Basketball: Ikipe y’U Rwanda itsinze iya Misiri mu mukino wa gicuti

Ikipe y’igihugu y’U Rwanda y’abagabo itsinze iya Misiri amanota 75-67, mu mukino wa gicuti waberaga muri Senegal aho iyi kipe iherereye yitegura imikino yo gushaka tike y’igikombe cyisi cya 2023.

Ni umukino wabaye ku gicamunsi, aho amakipe yombi ari kwitegura imikino yo gushaka tike y’igikombe cyisi kizabera muri Indonesia, Japan, na Philippines.

Uduce tubiri twa mbere tw’umukino twarangiye, U Rwanda rufite amanota 41kuri 33 ya Misiri, mu gihe agace ka gatatu karangiye U Rwanda rufite amanota 61 kuri 47 ya Misiri.

Umukino wose urangira U Rwanda rutsinze amanota 75 kuri 67 ya Misiri.

Muri iyi mikino yo gushaka tike y’igikombe cy’isi U Rwanda ruherereye mu itsinda B, aho ruzakina na Sudani y’Epfo ku itariki ya 25 Gashyantare 2022, ku munsi ukurikiyeho Tariki ya 26 Gashyantare 2022 U Rwanda rukine na Cameroon, mu gihe ku itariki ya 27 Gashyantare 2022, U Rwanda ruzakina na Tunisia.

Iyi mikino yose ikaba izabera kuri Dakar Arena yakira ibihumbi 15,000.

U Rwanda rwatsinze Misiri amanota 75 kuri 67 mu mukino wa gicuti

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO