Bazongere Rosine na Yves Trezzor bifatanyije n’umunyamakuru Guterman basangira Noheli n’abana ba Gatsibo

Umunyamakuru Bujyacyera Jean Paul uzwi nka Guterman Guter aherekejwe n’inshuti ziganjemo abahanzi ndetse n’abanyamakuru basangiye noheli n’abana afashiriza mu muryango yashize wa Nufashwa Yafasha.

Iki gikorwa cyabereye mu Karere ka Gatsibo mu murenge wa Ngarama ku cyicaro gikuru cya Nufashwa Yafasha, cyari kitabiriwe n’Umukinnyi wa Filime Bazogere Rosine, Abahanzi Kana Yves Uzwi nka Trezzor , Maitre Dodiane n’abandi benshi.

Umuhango nyirizina watangiye ahagana I saa saba n’igice aho Umuyobozi Mukuru wa Nufashwa yafasha Bwana Bujyacyera Jean Paul Yabanje guha ikaze abashyitsi bari bahageze bwa mbere akabasobanurira uko igitekerezo cyo gushinga uwo mushinga wo gufasha abana batifashije yakigize kugeza ageze ku rwego rwo kubaka inshuri ry’Incuke aho kw’ivuko.

Nyuma yo kwakira abashyitsi hakurikiyeho gususurutswa n’abana mu dukino twinshi dutandukanye ndetse n’imbyino zibereye ijisho aho basoje bafata amafunguro aho basangiye bose bifurizanya noheli nziza.

Umukinnyi wa Filime Bazongere Rosine nyuma y’iki gikorwa yatangarije Genesisbizz ko yakozwe ku mutima cyane n’igikorwa Umunyamakuru Guterman yakoze ko ari inyamibwa cyane.

Yagize ati “Njye nk’umwe mu bakinnyi ba filime nanjye mfite umushinga nkuyu ufasha abakobwa batewe inda zitateguwe gusa nyuma yo gusabwa na Guterman kuzamuherekze gusangira Noheli n’abana afasha byaranshimishije cyane, nkaba nanyuzwe n’iki gikorwa cy’indashyikirwa yakoze kandi mushimira cyane kuko abantu benshi twagakwiye kujya tuzirikana aho dukomoka mu gihe dufite ubushobozi tugakora ibikorwa byahateza imbere."

Umuhanzi Kana Yves uzwi nka Trezzor ku ruhande rwe yatangarije Genesisbizz ko yanyuzwe n’igikorwa Guterman yakoze , yaboneyeho nawe gusaba abahanzi bagenzi kujya bafashanya bagakora ibikorwa by’urukundo nkibyo yiboneye I Ngarama muri Nufashwa Yafasha .

Icyo gikorwa cyasojwe no gusura ibyiza nyaburanga byo mu murege wa Ngarama aho bari baherekeje Guterman yabatembereje ku rutare rwa Ngarama ahari ibintu byinshi biteye amatsiko by’amateka yo muri uwo murenge .


Umunyamakuru GuterMan n’inshuti ze z’abanyamakuru ubwo berekezaga I Ngarama


Ubwo bari bageze ku cyicaro cya Nufashwa Yafasha I Ngarama


Abashyitsi bakirijwe imbyino


Umukinnyi wa Filime Bazongere Rosine nawe yari yagiye gusangira Noheli n’abana bo muri Nufashwa Yafasha


Bazongere Rosine n’umuhanzi Maitre Dodiane bifatanyije n’umunyamakuru Guterman Gusangira Noheli n’abana


Bazongere Rosine agaburira abana


Umunyamakuru Guterman agaburira abana


Umuhanzi Kana Yves Asangira Nohel n’abana bo muri Nufashwa yafasha


Abanyamakuru Janvier Popote na Mbarubukeye Peacemaker nabo ntibacikanwe n’icyo gikorwa

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO