Beach Volleyball: U Rwanda rwasoje ku mwanya wa kane

Aya marushanwa yaberaga I Accra muri Ghana aho yakinwaga kuva taliki 25 Werurwe kugeza taliki 28, ikipe y’U Rwanda mu mukino w’intoki ariko ukinirwa ku musenyi (Beach Volleyball) yaje kurangiza ku mwanya wa kane.

Muri iyi mikino ikipe ya Gambia na Ghana zabashije kwitwara neza dore ko zahise zikatisha itike igomba kuzerekeza mu mikino ihuza ibihugu bikoresha ururimi rw’icyongereza mu mikino ya Beach volleyball aho iyi mikino iteganyijwe kubera mu mujyi wa Birmingham City mu gihugu cy’Ubwongereza kuva muri Nyakanga ugera muri Kanama uyu mwaka.

Aya marushanwa yari yaritabiriwe n’amakipe agera kuri 16 aturutse mu bihugu 9 aribyo Ghana, U Rwanda, Nijeriya, Seychelles, Gambiya, Afurika y’epfo, Zambiya, Kenya, Mauritius.

N’ubwo ikipe y’U Rwanda ariyo iyoboye mu karere k’uburasirazuba gusa ntabwo yaje guhirwa n’aya marushanwa kuko mu bagabo ikipe y’U Rwanda yaviriyemo muri 1/4 ikuwemo na Gambiya aho yatsinzwe amaseti 2-0 ndetse ikipe y’U Rwanda y’abagore nayo yaviriyemo muri 1/2 isezerewe na Mauritius itsinzwe amaseti 2-1.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO