Belarus yijeje ingaruka zikomeye Ukraine nyuma y’uko iteye ibisasu ku butaka bwayo

Minisitiri w’ububanyi n’amahanga wa Ukraine, Dmytro Kyleba yavuze ko ibyo Belarus yatangaje ko bazagerwaho n’ingaruka zikakaye bisa nko kwikirigita ugaseka kuko aribo bafite uruhare runini mu ntambara bahanganyemo n’u Burusiya.

Kugeza ubu Belarus ishinjwa gushyigikira u Burusiya ikanaba ibirindiro by’igisirikare dore ko ubutaka bwayo bwakoreshejwe nk’inzira ubwo hatangiraga ibikorwa bya gisirikare bidasanzwe muri Ukraine.

Ibi bikorwa byatangijwe n’u Burusiya kuwa 24 Gashyantare 2022, ndetse perezida wa Belarus, Alexander Lukashenko, aha uruhushya ingabo z’u Burusiya ko zatera Ukraine zinyuze ku butaka bw’igihugu cye.

Ibi byasaga nk’inyiturano kuko mu 2020 perezida w’u Burusiya, Vladimir Putin yohereje ingabo zijya kugarura amahoro ubwo habaga imyivumbagatanyo yamagana perezida Lukashenko nyuma yo gutorerwa manda ya 6.

Kugeza ubu umwuka ni mubi hagati ya Belarus na Ukraine nyuma y’uko iyishinje kuyirasaho igisasu cya misile ku wa kane dusoje. Igisasu cyo mu bwoko bwa rocket S-300 gikoreshwa n’u Burusiya na Ukraine cyahanuwe mu kirere ahagana saa moya z’amasaha ngengamasaha ya GMT.

Iki gisasu cyarashwe cyimaze kwambuka ibirometero 9 ku mupaka uhuza Belarus na Ukraine mu cyaro cya Harbacha ndetse ku bw’amahirwe ntawe cyakomerekeje ndetse bivugwa ko Ukraine yaba yaracyirashe muri aka gace ku bw’impanuka.

Alexander Lukashenko (ibumoso) hamwe na Vladimir Putin

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.