Beyoncé na Jay-Z batunguye abafana ubwo binjiraga aherekaniwe filime yiswe The Harder They Fall

Beyoncé na Jay-Z bagaragaye bitunguranye mu birori by’imurikamuco bizwi nka London Film Festival ubwo herekanwaga filime yiswe The Harder They Fall.

Iyi filime The Harder They Fall yashowemo amafaranga na Jay-Z naho iyoborwa na Jeymes Samuels.

Iyi filime yamaze kugurwa n’urubuga rwa Netflix rusanzwe rukundwa na benshi aho barureberaho filime zitandukanye.

Beyoncé yashyize amafoto hanze ku rubuga rwe rwa Instagram ari kumwe na Jay-Z bombi bitabiriye ibirori byo kwerekana iyi filime.

Iyi filime The Harder They Fall yerekana ubuzima bwaranze amateka ya Amerika bwibanda cyane ku birabura aho agatsiko kamwe kaza guhohoterwa kakagirirwa nabi nyuma abahohotewe bakaza kwishyira hamwe bakihorera.

Jay-Z yavuze ko impamvu yifuje kugira uruhare muri iyi filime ngo ni uko yerekana ubuzima bw’abirabura.

Mu kiganiro yagiranye na Associated Press yagize ati ’’ Nubwo duhagarariye abandi, muri filime nyinshi zisohoka usanga twe tutibona nk’abo
mu burengerazuba (Abanyamerika), bisa nk’aho tutabaho
. ’’

’’Biratangaje kubona abantu batekereza ko iyo bakina filime baba bari mu mikino, gusa ntago baba bari gukina imikino .’’

Yakomeje agira ati ’’ Hari imijyi myinshi itari izwi n’abantu, rero kuyishyira mu nkuru za televiziyo, tukigisha n’abantu, buri gihe iyo ubikoze uba ari umugisha ukomeye cyane. ’’

Filime The Harder They Fall biteganyijweko izatangira kwerekanwa mu nzu zerekana filime guhera tariki 22 Ukwakira 2021 ndetse ikazaba yamaze kugera ku rubuga rwa Netflix tariki 3 Ugushyingo 2021.

Reba inshamake ya filime The Harder They Fall hano

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO