Bidatinze Elon Musk ashobora kuva ku mwanya w’umuyobozi mukuru wa Twitter ku mpamvu zimuturutseho

Kuri uyu wa mbere tariki 19 Ukuboza 2022, Ahagana saa saba n’iminota makumyabiri, Elon Musk yatangije amatora aho yavuze ko igihe ijanisha rinini ryakwemeza ko yava ku mwanya w’umuyobozi mukuru wa Twitter, Iki cyemezo gihita gishyirwa mu ngiro.

Muri miliyoni zisaga 122 zikurikira Elon Musk kuri Twitter, yasabye ko haba amatora kugirango amenye abifuza ko yakomeza kuba umuyobozi mukuru w’uru rubuga cyangwa akegura kuri uyu mwanya.

Umunyarwanda yavuze ko uwishigishiye arusoma, Ibi niko byagenze kuri Elon Musk aho mu buryo butunguranye amajwi 57.5% mu batoye, Bemeje ko uyu mugabo ahita yegura ku mwanya w’umuyobozi mukuru wa Twitter.

Ibi bibaye nyuma y’aho umubare utari muke w’abakoresha uru rubuga batangiye kuruvaho ndetse bamwe ntibahwemye kwerekana ko batishimiye impinduka zakozwe n’uyu mugabo nyuma yo kugura Twitter ku kayabo ka miliyari $ 44.

Kuva ubwo twateguraga iyi nkuru, Elon nta mwanzuro yari yatangaza niba koko yegura dore ko ubwiganze bw’amajwi bwemeje ko ava ku mwanya w’umuyobozi mukuru.

Abantu benshi batoye ko Elon Musk yegura

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO