Bimwe mu bitekerezo by’abanyamuziki nyuma yihagarikwa ry’ibitaramo

Ubuyobozi bw’umujyi wa Kigali bwatangaje ko ibitaramo by’imyidagaduro n’ibindi birori bihuza abantu benshi bitazongera kuba kugeza igihe kitazwi. Abafite aho bahurira n’umuziki bavuga ko bagiye guhura n’igihombo gikomeye kuko bari batunzwe n’bitaramo.

Taliki ya 8 Werurwe 2020 nibwo umujyi wa Kigali wasohoye itangazo rivuga ko ibitaramo by’imyidagaduro, n’ibindi birori bihuza abantu benshi byahagaritswe.

Uyu mwanzuro washyize mu gihirahiro abahanzi, abakunzi b’imyidagaduro n’abandi bafite aho bahurira n’uruganda rw’umuziki mu Rwanda.

Mu banyamuziki baganiriye na Genesisbizz bagiye bavuga ku gihombo bazahura nacyo dore ko ahanini baba batunzwe n’ibitaramo.

Alex Muyoboke ni umujyanama w’abahanzi byumwihariko akaba ajya ategura n’ibitaramo. Avuga ko guhagarika ibitaramo ari igihombo ku bahanzi ariko bitewe n’icyorezo cyazengereje Isi ngo ni ngombwa ko biba mu rwego rwo kwirinda.

Ati “Igihombo cya mbere cyagaragaye kuko buriya ba Misigaro hari ibyo bari barashoye bahombye gusa tugomba kubyumva kuko icyorezo gihangayikishije benshi, kwirinda rero nibyo bya mbere ubwo umuhanzi witeganyirije azaba arya kuri ayo cyangwa Leta izadufashe niba hari ubundi buryo twakwinjizamo.”

Ishimwe Clement ni umuyobozi mukuru wa Kina Music nawe twaganiriye agira icyo avuga kuri iki cyemezo kije mugihe nawe yateguraga igitaramo muri uku kwezi cyo kumurika Album y’umuhanzi we Igor Mabano.

Ati “Ibintu nkibi bizana n’igihombo kuko no mu bihugu yabanjemo iyi Corona Virus hari byinshi byahagaze nkatwe rero dutunzwe ahanini n’ibitaramo ni uguhomba kugeza igihe birangiriye.”

Izi mpungenge kandi zifitwe n’abakunzi b’abahanzi (abafana), babona ko izo ngamba nubwo zifitiye akamaro imbaga nyamwinshi, ariko ko hari ingaruka bishobora kugira ku muziki w’u Rwanda muri rusange.

Kuko umuhanzi ashobora gucika intege zo gukora umuziki kubera ko atazabona aho yerekanira ibyo bihangano bye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO