Biranugwanugwa!!! Ikibatsi cy’urukundo hagati ya Bwiza n’umunyamakuru Nasri

Umuhanzikazi Bwiza Emerance ubarizwa mu nzu ifasha abahanzi ya KIKAC Music aravugwa mu rukundo n’umunyamakuru Mahoro Nasri ukora kuri Flash FM.

Bwiza ni umuhanzikazi mushya uri mu batanga icyizere kuhazaza ha muzika Nyarwanda. Ubwo yamurikwaga imbere y’itangazamakuru yavuze ko aje mu muziki nta guhagarara.

Ati "Ndabizi ko ntazavugwa neza gusa ariko byose narabyiteguye." ibi yanabitangaje hari ababyeyi be.

Kuri ubu amakuru agera kuri Genesis bizz.com avuga ko Bwiza ashobora ku ba ari mu rukundo na Nasri usanzwe akora ibiganiro bya Siporo kuri Flash FM.

Uwo dukesha Aya makuru utifuje ko amazina ye atangazwa. Ati "Harimo akantu ku rukundo hagati yabo, urabizi tuba turikumwe Kenshi sinakubeshya."

Unyuze no ku Mbuga nkoranyambaga z’aba bahanzi usanga buri umwe yashyizeho amashusho bombi bahuje urugwiro mu kiganiro.

Mukiganiro Bwiza yagiranye na Genesisbizz yanze kugira byinshi abivugaho. Ari guseka cyane ati "Aha ndayakwimye amakuru."

Kuri aba bombi ni ubwa mbere bakumvikana mu nkuru z’urukundo.

Tariki 21 Kanama 2021 nibwo ubuyobozi bwa KIKAC Music bwatangaje ko umukobwa witwa Bwiza Emmerance ari we watsinze irushanwa ryiswe The Next Diva Indi Mbuto rigamije kuzamura abakobwa bafite impano yo kuririmba.

Bwiza azakorana na KIKAC mu gihe cy’imyaka itatu bamwitaho kuri buri kimwe cyose kijyanye n’umuziki. Iri rushanwa ryo rizajya riba rimwe mu myaka ibiri.

Muri KIKAC Music hasanzwemo abahanzi bakomeye barimo Mico The Best.


Bwiza aheruka gushyira hanze EP yise connect me

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO