Biratangaje: Dore ahantu haturuka imyanda myinshi ikomeza kuzuza ibimoteri by’isi

Ku isi hari imyanda ibora n’itabora gusa aho iva ikagera ntawuyishimira kuko iteza indwara zikomoka ku mwanda cyangwa ubuhumekero nk’imikungugu ituruka ku bisigazwa by’inyubako zisenywa, uraza gutungurwa no kubona isoko ya mbere y’imyanda idaturuka ku mafunguro dutunganya nk’uko benshi babitekereza.

1. IMYANDA IKOMOKA KU BWUBATSI NO GUSENYA
Akazi karimo ubwubatsi bw’amazu no gusenya ashaje ni bimwe mu bitera umwanda ku isi aho bibarirwa 36% by’imyanda yose yo ku isi.

2. UBUCUKUZI BW’AMABUYE Y’AGACIRO
Ubucukuzi bw’amabuye y’agaciro nabwo bugira uruhare rukomeye mu gutera umwanda ku isi aho bubarirwa 28% by’imyanda yose yo ku isi.

3.UBUCURUZI
Ubucuruzi aho buva bukagera biragoye ko bukorwa budateye umwanda yaba ibiribwa n’ibitaribwa byose bitera umwanda kuko bikenera gupfunyikwa n’igihe bisoje gukoreshwa bigahinduka ibishingwe. Ubucuruzi bubarirwa 13% y’imyanda yose yo ku isi.

4.IMYANDA YO MU RUGO
Mu rugo ni hamwe mu hantu hakorerwa ibikorwa bituma haboneka ibisigazwa bifatwa nk’imyanda guhera ku masuku atandukanye, guteka, koga, gufura n’ibindi. Iyi myanda yihariye 11% y’imyanda yose yo ku isi.

5.INGANDA
Inganda ni zimwe mu isoko zikomeye z’imyanda tubona ku isi, Aha twavugamo gutunganya no gukora ibicuruzwa bitandukanye birimo ibiribwa, ibitaribwa nk’imyambaro cyangwa ibikoresho by’ubwubatsi n’ibindi birimo ihumana ritandukanye. Inganda zonyine zihariye 10% y’imyanda yose yo ku isi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO