Bitarenze ukwezi ibibazo bya Rayon biraba byabonewe umuti-Minisitiri wa Sport

Minisitiri wa Sport mu Rwanda Munyangaju Aurore Mimosa yatangaje ko mu gihe kitarenze ukwezi kumwe ibibazo biri mu ikipe ya Rayon Sport biraza kuba bikemutse, hakaboneka amahoro.

Ibibazo biri mu ikipe ya Rayon Sport biri ahanini mu buyobozi, bamwe bavuga ko ubuyobozi buriho buyobowe na Munyakazi Sadate bugomba kuvaho, mu gihe Urwego rw’Imiyoborere mu Rwanda (RGB) rwatangaje ko Sadate Munyakazi ariwe muyobozi w’iyi kipe, bubasaba ko bugiye kubavugururira amategeko.

Mu kiganiro na RBA, minisitiri wa Sport mu Rwanda Munyangaju Aurore Mimosa yatangaje ko bamaze iminsi biga ku bibazo by’iyi kipe ndetse ko bigiye gukemuka mu gihe kitarenze ukwezi kumwe. Nukuvuga ko bizakemuka mu kwezi kwa Ukwakira.

Ibibazi bya Rayon Sport turabizi kandi turi kubikurikirana mu gihe kitarenze ukwezi kumwe biraba byabonewe umuti. – Minisitiri Munyangaju

Kuva uyu mwaka watangira Rayon ifite ibibazo by’imiyoborere

Ubwo Umukuru w’igihugu cy’u Rwanda Paul Kagame yari mu kiganiro na RBA ku wa 6 Kanama, yabajijwe niba ibibazo biri mu ikipe ya Rayon Sport abizi atangaza ko yabibwiwe ndetse ko yabwiwe na Minisitiri w’imikino Rwanda ko bagiye kubikemura.

Umukuru w’igihugu yabwiwe na Minisitiri Mimosa ko ibibazo bigiye gukemuka

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO