Bitunguranye Andre Onana wafatiraga ikipe y’igihugu ya Cameroon yamaze gusiga bagenzi be nyuma yo guhagarikwa nta mpamvu ifatika

Umunyezamu w’ikipe y’igihugu ya Cameroon kuri ubu amakuru yizewe aravuga ko yamaze gusiga bagenzi be ahitamo kwitahira nyuma yo guhagarikwa mbere gato y’uko ikipe y’igihugu ya Cameroon ikina n’ikipe y’igihugu ya Serbia.

Mbere y’umukino wa Serbia Andre Onana yari yarakunze kwitwara neza mu izamu ndetse biracyekwa ko uyu muzamu yasabwe gukoresha amarozi ariko we akabyanga ndetse bikaza kumuteranya n’umutoza w’ikipe y’igihugu ya Cameroon Rigobert Song ndetse binatuma akurwa ku rutonde rw’abakinnyi bagombaga guhatana na serbia igitaraganya.

Amakuru yizewe yatangajwe na BBC Sports Africa aravuga ko uyu mukinnyi yamaze gusohoka muri Hotel bari bacumbitsemo we n’abagenzi be maze agahita yerekeza ku kibuga cy’indenge aho yiteguye kugaruka mu murwa mukuru wa Cameroon Yaounde.

Ubwo yaganiraga n’itangazamakuru onana yagzie ati:Nakoresheje imbaraga zanjye zose mu gushakisha igisubizo nyuma yo kugirana ikibazo n’ikipe yanjye gusa ntabwo bagaragaje ubushake kugirango ibintu bijye mu buryo.

Nyuma yo gukurwa ku rutonde rw’abakinnyi bagombaga guhatana na Serbia uyu munyezamu Onana w’imyaka 26 y’amavuko yahise asimbuzwa igitaraganya Devis Epassy mu mukino bakinnye kuri uyu wa mbere maze bakanganya na Serbia
ibitego 3-3.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.