Bitunguranye Christopher Nkuku yavunikiye mu myitozo ndetse bituma akurwa ku rutonde rw’abagomba gukina igikombe cy’Isi

Abakinnyi banyuranye bakomeje kuvunika ndetse utahiwe ni Christipher Nkuku ukinira ikipe y’igihugu y’Ubufaransa nyuma yo kuvunikira mu myitozo y’ikipe y’igihugu ubwo yari ahuriye ku mupira na Camavinga yahise agira ikibazo cy’imvune aho agomba gusiba igikombe cy’Isi.

Igikombe cy’Isi kigomba gutangira kuri iki cyumweru kuwa 20 Ugushingo 2022 ndetse amakipe amwe n’amwe yamaze gusesekara mu gihugu cya Qatar gusa bamwe bakomeje guhura n’uruvagusenya bakibasirwa n’imvune.

Christopher Nkuku ku munsi w’ejo ubwo yari mu myitozo yagonganye na Camavinga maze bituma agira ikibazo cy’imvune ndetse kuri ubu harimo gutekerezwa ugomba kumusimbura mbere y’iki gikombe cy’Isi.

Kuri ubu abakinnyi barimo Martial na Randal Kolo bagomba kwitoranyamo ugomba gusimbura uyu mukinnyi nyuma yo kugira ikibazo cy’imvune.

Nubwo bwose uyu mukinnyi Nkuku ahuye n’ikibazo cy’imvune biravugwa ko ikipe ya Chelsea irimo guteganya kumusinyisha amasezerano y’igihe kirekire mu mwaka wa 2023 nk’uko bitangazwa n’impuguke mu bijyanye n’igura n’igurishwa ry’abakinnyi ku mugabane w’i Burayi bwana Fabrizio Romano.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO