Mikel Arteta mu kiganiro n’itangazamakuru yagaragaje ibanga Arsenal ikoresha...
- 30/03/2023 saa 13:56
Bitunguranye Gerrard Piqué kuri uyu wa Gatandatu arasezera kuri ruhago
- by
- 4/11/2022 saa 07:36
Myugariro umaze igihe kinini mu ikipe ya FC Barcelona ariwe Gerrard Pique kuri ubu yatangaje ko agiye gusezera ku mupira w’amaguru nyuma y’igihe kitari gito akinira ikipe ya FC Barcelona.
Uyu myugariro w’imyaka 35 y’amavuko yatangaje ko arasezera kuri uyu wa Gatandatu ndetse ngo niwo mukino we wa nyuma araba akiniye ikipe ya FC Barcelona ku kibuga Camp Nou.
Uyu mugabo atangaje ibi mu gihe yari amaze igihe mu bibazo by’ingutu nyuma yo gutandukana n’umuhanzikazi w’icyogere Shakira aho gutandukana kwabo byakurikiwe n’amagambo menshi atandukanye.
Gerrard Pique yari amaze imyaka igera kuri 14 akinira ikipe ya FC Barcelona ndetse agomba gukina umukino we wa nyuma bakina na Almeria ku kibuga Camp Nou kuri uyu wa Gatandatu.
Pique azahora yibukwa nk’umwe muri ba myugariro bafashije FC Barcelona gutwara ibikombe byinshi ndetse afasha igihugu cye kwegukana Euro ebyiri n’igikombe cy’isi.
Ni mu gihe kandi uyu mugabo w’imyaka 35 y’amavuko yatwaye ibikombe bya Shampiyona ya Espagne “La Liga” inshuro umunani, atwarana na UEFA Champion’s League inshuro 3 ari kumwe na Barcelona.
Myugariro Gerrard Pique nyuma y’imyaka 14 yari amaze mu ikipe ya FC Barcelona kuri ubu yatangaje ko agomba gusezera kuri uyu wa Gatandatu ubwo ikipe ya Barcelona iraba ikina na Almeria
Related Articles
