Abarimo SHANITAH biyemeje kuganira kubifatwa nk’umuziro ku myororokere

Abakobwa bagize ’Saye Company Ltd Dukataze’ biyemeje kujya batanga ibiganiro ku bakobwa n’abandi babyifuza hagamijwe kurandura ipfunwe rikigararaga iyo havuzwe imihango cyangwa ibindi byo ku buzima bw’imyororokere.

Umuhoza Amina ukuriye ’Saye Company Ltd Dukataze’ ifatanyije na ’My period is awesome’ ikomoka muri sweden, yateguye iki gikorwa yabwiye Genesisbizz ko bagiteguye bagamije kurandura ipfunwe rikigararaga iyo havuzwe imihango.

Aho bamwe bumva ko ari kintu cyo kutavuga cyo guhisha kure ndetse ugasanga hari nk’abangavu babifata nko kugusha ishyano kuko bataba baraganirijwe kubigendanye n’ubuzima bw’imyororokere yabo.

Ati “Iki gikorwa kandi cyitabiriwe n’ igitsina gabo kuko ibi ntibireba abakobwa gusa, n’abahungu bakeneye kubiganirizwaho kuko bafite bashiki babo, bazabyara abakobwa ndetse bashake n’abagore uruhare rwabo rurakenewe.”

Iki gikorwa cyabaye bwari ubwa mbere ariko ngo bazakomeza bakora n’ibindi byinshi bibanda kuri iyi nsanganyamatsiko n’ibindi bizafasha umwana w’umukobwa mu kwiteza imbere mu buryo bunyuranye. Harimo kugirana inama ndetse no gucuruza ibikobwa biba byakozwe n’abakobwa.

Mu batanze ibyo biganiro harimo igisonga cya mbere cya Miss Rwanda 2018 Umunyana Shanitah, Kalisa Joseph impuguke mu buzima bwo mu mutwe, Umunyamakuru Agne Theoneste , umuhanzi w’imivugo wanagarutse ku ruhare rwa buri wese mu kudasiga inyuma ababana n’ubumuga na Shyaka washinze wellbeing foundation.

Uwayoboye ibiganiro ni Usanase Grace uzwi cyane muri ibi bikorwa cyane ko yanayoboye ibiganiro muri meet with president 2019.


Abakobwa bagize Dukataze bateguye iki gikorwa


Umunyana Shanitah nawe ari mu batanze ibiganiro


Mu bitabiriye iki gikorwa harimo n’abagabo


Baganiriye ku buzima bw’imyororokere ufite ikibazo agasobanuza

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO