Bombori bombori muri Rayon Sports nyuma y’uko Youssef na Ayoub basezereye iyi kipe bavuga ko bari babayeho nko muri gereza

Mu itangazo ryashyizwe hanze n’ubuyobozi bwa Rayon Sports, rivuga ko iyi kipe yamaze gutirura abakinnyi babiri Youssef Rharb na Ait Lahssaine Ayoub bakomoka muri Maroke. Aba bakinnyi bakiniraga iyi kipe kuva mu kwezi kwa Nzeri 2021 bakaba bavuga ko bari babaye mu buzima bubi cyane muri iyi kipe wagereranya no muri gereza.

Mu mezi make aba bakinnyi bari bamaze muri iyi kipe, Youssef yari amaze gukina imikino 11 ya shampiyona aho yatsinze ibitego bibiri.

Ni mugihe Ait Lahssaine Ayoub we yakinnye umukino umwe wa shampiyona akaba nta gitego na kimwe yatsinze.

Umutoza w’agateganyo wa Rayon Sports, Lomami Marcel yatangaje ko aba basore bakoze cyane uko bashoboye ndetse ngo bakundwaga na buri wese.

Yasoje abifuriza kuzagira amahirwe.

Nyuma yo gusezerera Rayon Sports, aba basore babiri bagiye gusubira mu ikipe ya Raja Cassablanca yo mu gihugu cya Maroke baje baturutsemo.

Twakwibutsa ko ku itariki 19 Nyakanga, Nibwo ikipe ya Rayon Sports na Raja Cassablanca basinyanye amasezerano y’ubufatanye y’imyaka 5.

Abakinnyi ba Rayon Sports mu myitozo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO