Bosqzo {Fatakumavuta} ari kugurisha Album ye arenga Miliyoni

Umunyamakuru Sengabo Bosqzo uzwi ku izina rya Fatakumavuta yatangaje ko Album ye ya mbere yise “Fatalogy” iri ku isoko aho umuntu uyifuza asabwa kwishyura amadorali y’Amerika igihumbi.

Iyi Album ye izaba iriho indirimbo 12, kuko yagiye azifatanya n’abandi bahanzi avuga ko abayikozeho bagera kuri 25.

Mukiganiro yagiranye na Genesisbizz/TV yasobanuye impamvu kugura copi imwe y’uyu muzingo yabishyize ku mafaranga menshi dore ko ari ibintu bitamenyerewe hano mu Rwanda.

Ati “Ni uguha agaciro umwuga kandi indirimbo imwe kuri fatalogy yagiyeho amafaranga arenze miliyoni.”

Avuga ko abakunzi ba muzika Nyarwanda batangiye no kuyigura. Ati “Kugeza ubu hari abantu babiri (2) baba hanze y’u Rwanda bamaze kugura ariko ntibifuje ko dushyira amazina yabo mu itangazamakuru.”

Kubona album ye ‘Fatalogy’ ubu ngo bimeze nk’ibiri ku isoko yakwita Black market kuko uwaguze adashobora gushyira izo ndirimbo ku z’indi mbuga bitewe na tekinoloji y’amakode bikoranye.

Ku mwihariko w’iyi Album yagize ati "Fatalogy kuba ari album ya Fatakumavuta udasanzwe azwiho kuririmba byo ubwabyo n’umwihariko gusa ikindi navuga ni uko izaba ariyo album ihenze kandi iriho abahanzi benshi kandi bingeri zose."


Fatakumavuta avuga ko kugurisha Album ye 1000$ ari uguha agaciro umwuga


Iyi nayo ni imwe mu ndirimbo iri kuri Fatalogy, izajya hanze taliki 30 Nzeri

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO