Botswana: Abadepite 57 bashyizwe mu kato kubera Coronavirusi

Abadepite 57 mu nteko inshinga amategeko y’igihugu cya Botswana bashyizwe mu kato gateganywa k’iminsi 14 nyuma y’aho umuforomokazi usanzwe ukorera muri iyi nteko bamusanganye COVID-19.

Itegeko rishyira mu kato aba badepite bose uko ari 57 ryatanzwe n’umuyobozi ushinzwe ubuzima muri iki gihugu cya Botswana Malaki Tshipayagae nk’uko bigaragara muri Tweet ya Guverinoma y’iki gihugu.
Umuforomokazi witwa ’Masire’ niwe warusanzwe akorera imirimo ye mu nteko ishinga amategeko ya Botswana
Iki gihugu cyatangaje ko kugeza ku munsi w’ejo kuwa Gatanu cyari kimaze kubarura abasaga 13 bamaze kwandura iyi virusi ya COVID-19, barimo n’uyu muforomokazi wakoreraga mu nteko ishinga amategeko ya Botswana.

Perezida Mokgweetsi Masisi nawe yishyize mu kato nyuma y’aho yaraherutse kugirana inama n’aba badepite yigaga ku buryo bashyira igihugu mu bihe bidasanzwe by’amezi atandatu.
Abadepite 57 bose bakoreraga muri iyi nteko ishinga amategeko y’igihugu cya Botswana bashyizwe mu kato
Gusa uyu mukuru w’igihugu cya Botswana Masisi, yasoje iminsi ye 14 yo kwishyira mu kato, ikaba yararangiriye nyuma y’aho aviriye mu gihugu cya Namibie mu kwezi gushize kwa Werurwe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO