Breaking News:Iryavuzwe riratashye Sadio Mane amaze kugurwa n’ikipe ya Bayern Munich

Umukinnyi wakiniraga ikipe ya Liverpool ndetse wari ukunzwe cyane muri iyi kipe ariwe Sadio Mane yamaze kwerekeza mu ikipe ya Bayern Munich aho yamaze kumvikana n’iyi kipe amasezerano y’imyaka igera kuri itatu aho atanzweho akayabo ka miliyoni 42 z’Amapawundi.

Ubusanzwe Sadio Mane akomoka mu gihugu cya Senegal ndetse hari hashize iminsi uyu mukinnyi yarabwiye ikipe ye ya Liverpool ko agomba kuyisohokamo akerekeza ahandi gusa ikipe yakunze kumwifuza cyane ni ikipe ya Bayern Munich yo mu gihugu cy’Ubudage gusa ikipe ya Liverpool yari yateye utwatsi amafaranga iyi kipe yatangaga kuri uyu mukinnnyi.

Gusa ibitangazamakuru bikomeye mu gihugu cy’Ubwongereza bimaze gutangaza ko sadio Mane yamaze kumvikana n’ikipe ya Bayern Munich aho imutanzeho agera kuri Miliyoni 42 z’Amapawundi ndetse nawe akaba yemeye gusinyira iyi kipe amasezerano agera ku myaka itatu nk’umukinnyi wayo.

Sadio Mane yari amaze imyaka igera kuri itandatu mu ikipe ya Liverpool aho yayijemo avuye mu ikipe ya Southampton mu waka wa 2016 ndetse yakiniye ikipe ya Liverpool imikino igera kuri 269 abasha kuyitsindira ibitego bigera ku 120 aho kandi uyu mukinnyi yabashije gutwarana na Liverpool ibikombe bikomeye birimo shampiyona y’Ubwongereza,Uefa Champions League n’ibindi bitandukanye.

Mu ntangiriro z’iki cyumweru nibwo umunyamakuru Fabrizio Romano ufatwa nk’uwa mbere mu kumenya amakuru ajyanye n’igura n’igurisha ry’abakinnyi yatangaje ko uyu mukinnyi Sadio Mane yamaze kumvikana n’ikipe ya Bayern Munich amasezerano y’imyaka 3 aho yari yaramaze kandi gutangariza Liverpool ko adashobora kongera amasezerano muri iyi kipe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO