Inkuru igizweho iravuga ko ikipe ya Manchester United bakunze kwita amashitani atukura yamaze kumvikana n’ikipe ya FC Barcelona ku mukinnyi wayo Frenkie de Jong ndetse n’ikipe ya Ajax yemeye ko bakumvikana kuri myugariro wayo Lisandro Martinez.
Kuri ubu Manchester United bivugwa ko yagiranye "amasezerano yuzuye" n’ikipe ya Barcelona kuri De Jong gusa ingorane ihari ni uko umukinnyi De Jong we ataremera kwerekeza muri Manchester United.
Kuri ubu ngo Manchester United yamaze kwemera gutanga Miliyoni 85 z’amayero ku mukinnyi De Jong aho igomba guhita yishyura miliyoni 75 z’amayero naho izindi 10 zikazishyurwa buhoro buhoro.
TalkSPORT yatangaje ko kandi Manchester United yamaze kumvikana na Ajax kuri Lisandro Martinez usanzwe ari myugariro aho ngo agiye kugurwa agera kuri miliyoni 46 z’amayero.
Ikipe ya Mancheser United nigura uyu myugariro Martinez iraba ihigitse ikipe ya Arsenal nayo yifuzaga bikomeye uyu myugariro ukomoka mu gihugu cya Argentine.
