Ruremesha yashyikirijwe license A y’ubutoza

Umutoza mukuru w’ikipe ya Kiyovu Sports Ruremesha Emmanuel yamaze gushyikirizwa impamyabumenyi yo gutoza, nyuma yuko yakoze ibizami agatsinda, ntayibonere ku gihe.

Ruremesha Emmanuel wari umutoza wungirije mu ikipe ya Kiyovu ni we wahawe inshingano zo kuba umutoza mukuru w’agateganyo umwaka ushize wa 2019 mu kwezi ku Ukuboza, akaba yarasimbuye kuri uyu mwanya Mugunga Dieudonné Burchaga wari umutoza mukuru kuva uyu mwaka w’imikino wa 2019-2028 watangira.

Ruremesha umutoza wa Kiyovu Sports

Uyu munsi nibwo uyu mutoza yabonye impamyabumenyi ye ya CAF iri ku rwego rwa B imwemerera gutoza mu kiciro cya mbere hano mu Rwanda.

Ruremesha Emmanuel ni umwe mu batoza bakomeye bamaze igihe muri shampiyona y’u Rwanda. Ni umutoza uzwiho gutungurana atsinda amakipe akomeye. Uyu mugabo utaratwara igikombe nk’umutoza mukuru yari muri ATRACO FC nk’umutoza wungirije Sam Simbwa batwara CECAFA ya 2009.

Uyu mutoza kandi yatoje ayandi makipe akomeye atandukanye, harimo na Kiyovu abereye umutoza mukuru muri shampiyona ya 2019/2020. Kuri ubu uyu mugabo kuva yafata ikipe ya Kiyobu Sports, iri ku mwanya wa Gatanu n’amanota 32. ikaba irushwa n’iya mbere ariyo APR Fc amanota 16.

Ruremesha yabonye License B yo gutoza

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO