Bruce Melodie yabonye umujyanama mushya ushinzwe ibikorwa by’iterambere muri Wasafi

Umuhanzi Bruce Melodie yatandukanye na Kabanda Jean De Dieu bari bamaranye imyaka itanu bakorana abona undi mujyanama mushya witwa Ndayisaba Lee wakoranye n’abandi bahanzi ariko biganjemo abo muri Tanzania.

Bruce Melodie ibi yabinyujije mu itangazo yageneye abanyamakuru ubwo yatangazaga ko yabonye abajyanama bashya ariko byose bikaba biri mu rwego rwo kwagura muzika ye.

Yavuze ko yatandukanye na Kabanda Jean De Dieu bari bamaze imyaka igera kuri itanu bakorana. Asobanura ko we agiye kuba ahugiye cyane kuri Televiziyo ye ya Isibo TV.

Ndayisaba Lee ni Umunyarwanda utuye muri Nyamata mu karere ka Bugesera ariko akunze kuba ari mu bihugu bya Tanzania na Kenya kuko akunze gukorana n’abahanzi baho cyane.

Ni umwe mu bari bayoboye irushanwa rya East African Got Talents, yagiya agira n’uruhare runini mu gutegura ibitaramo bikomeye mu Rwanda harimo icya Rwanda Fiesta cyajemo Diamond Platnumz, Vanesa Mdee, Morgan Heritage ndetse na Beer First yajemo umuhanzi Wizkid.

Lee ni umwe mu banyarwanda baziranye n’abahanzi bakomeye haba muri Afurika ndetse no ku mugabane wa Amerika.

Yagiye afasha kandi n’abandi bahanzi bazwi harimo nka Yvan Buravan n’ubwo bakoranye ho igihe gito, Chege wo muri Tanzania.

Abandi bahanzi yakoranye nabo harimo itsinda rya The Brothers, Uncle Austin n’abandi. Ubu kandi ni umwe mu bashinzwe ibikorwa by’iterambere muri Wasafi y’umuhanzi Diamond Platnumz muri Tanzania.


Ndayisaba Lee umujyanama mushya wa Bruce Melodie


Kabanda wari usanzwe akorana na Melodie

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO