Bruce Melodie yageneye ubutumwa bukomeye Abarundi nyuma yo kuhahurira n’uruvagusenya

Umuhanzi Bruce Melodie yakoze igitaramo gikomeye cyane cyitabiriwe n’imbaga yamwinshi yabashije kumwereka urukundo rudasanzwe ubwo yari ku rubyiniro.

Mu gitaramo cy’uyu muhanzi kitabiriwe n’abakunzi b’umuziki batandukanye ndetse babashije kumwereka urukundo rukomeye cyane ubwo yari ageze ku rubyiniro nubwo yabanje gufungwa hafi iminsi 2 ashinjwa ubwambuzi bushukana.

Mbere y’igitaramo Melodie yavuze ko nta mutima mubi afitiye Abarundi kuko ari abafana be ndetse avuga ko ibyabaye bitamuhungabanyije.

Mu magambo ye Bruce Melodie yagize ati “U Rwanda n’u Burundi turi bamwe, kuba naragiranye ikibazo n’Umurundi umwe ntibivuze ko ngomba kwanga Uburundi n’Abarundi bose, mu Burundi ni mu rugo, n’undi munsi nzagaruka kuko nkunda u Burundi nk’uko bakunda ibikorwa byanjye.”

Ibihumbi by’Abarundi byari bikoraniye kuri Zion Beach byatashye binezerewe bidasubirwaho kubera uburyohe bw’igitaramo bahawe na Bruce Melodie wari wambaye imyenda nk’iy’imfungwa zo mu Burundi.


Symphony Band niyo yacurangiye Bruce Melodie mu ndirimbo nziza zose zakunzwe yaririmbiye Abarundi.

Bruce Melodie yakoreye igitaramo I Burundi nyuma yo guhura n’uruvagusenya akahafungirwa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO