Bruce Melodie yashimangiye ko Kenny Sol na Juno Kizigenza amasezerano yabo yari yararangiye

Mu Mpera z’iki cyumweru gishize nibwo Juno Kizigenza na Kenny Sol batangaje ko batakiri abahanzi bafashwa na Igitangaza Music ya Bruce Melodie nyuma y’igihe kigera ku mwaka bari bamaze bakorana nawe .

Nyuma y’uko bitangajwe ko abo basore batakibarizwa mu igitangaza Music bose basangije ababakurikira ku mbuga nkoranyambaga zabo ubutumwa bugaragaje ko n’ubwo batandukanye nta kibazo na kimwe bafitanye kandi ko bazahora ari abavandiwe .

Bruce Melodie nyuma yo gutandukana nabo basore yatangaje byinshi kw’itandukana rye nabo aho yagize ati “ nyuma yaho amasezerano bari bafitanye n’igitangaza Music yari yarageze ku musozo , bo baraje badusaba ko twabarekura nabo bakajya kugerageza amahirwe yabo bagakora ku giti cyabo .

Yakomej agira ati “ntacyari kumbuza kubaha uburenganzira bwabo cyane ko ari abahanzi b’abahanga kandi bamaze kumenya neza ibyo bakora, bageze igihe cyo kwitekerereza.” , bakamenya uko nabo bazamura ibikorwa byabo .

Abajijwe kuhazaza ha Studio ye Igitangaza Music niba azashaka abandi bahanzi yagize ati “ ubu nta muhanzi ndi gufasha muri Igitangaza Music, avuga ko ubu atarafata icyemezo niba azafata abandi bahanzi bashya cyangwa se niba azahindura uburyo yakoraga.

Ati “Birashoboka ko nafasha abandi cyangwa nkakora n’ibindi bikorwa byo gufasha ndacyari kubitekereza neza uko byagenda mu gihe gikwiriye nzatangaza ahandi twerekeje cyangwa se niba twagumye mu by’umuziki.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO