Bruce Melodie yatembereje umuhanzi Fireboy wo muri Nigeria

Umuhanzi Bruce Melodie yakiriye mugenzi we Fireboy uri mu bakunzwe cyane muri Nigeria amutembereza tumwe mu duce twa Kigali.

Adedamola Adefolahan uzwi ku izina rya Fireboy yaje mu Rwanda yitabiriye imikino ya Basketball Africa League yasojwe mu mpera z’icyumweru gishize.

Bruce Melodie abinyujije ku rukuta rwa Instagram yerekanye ko yishimiye kwakira uyu muhanzi.

Ati “Ni iby’agaciro kwakira umuvandimwe Fireboy mu murwa wacu Kigali…Twagiye.”

Nyuma y’ibi umujyanama wa Bruce Melodie Lee Ndayisaba yari yaciye amarenga ko uyu aba bahanzi bashobora kuba bagiye gukorana indirimbo.

Ibi kandi bikaba biri mubyo yasezeranyije uyu muhanzi ubwo basinyaga amasezerano y’imikoranire avuga ko azamufasha mu rwego mpuzamahanga akajya akorana indirimbo n’abahanzi bakomeye muri Afurika.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO