Bugesera FC n’umutoza Abdou Mbarushimana basheshe amasezerano

Kuri uyu wa kabiri tariki 18 Mutarama 2021, Ubuyobozi bw’ikipe ya Bugesera FC bwashyize hanze itangazo rimenyesha ko bwasheshe amasezerano bwari bufitanye n’umutoza Abdou Mbarushimana.

Ni itangazo ryashyizweho umukono n’umuyobozi w’ikipe ya Bugesera FC Gahigi Jean Claude.

Ubuyobozi bw’iyi kipe bwasoje bushimira Abdou Mbarushimana hamwe n’abamwungirije mu gihe cyose bakoranye.

Twakwibutsa ko Mbarushimana Abdou yageze muri Bugesera FC mumpera z’umwaka wa 2020 ubwo hitegurwaga gutangira umwaka w’imikino wa 2020-2021.

Gusa uyu mwaka w’imikino waje guhagarikwa bitewe n’impamvu z’icyorezo cya covid-19, nyuma ubwo wasubukurwaga, uyu mutoza yafashije Bugesera FC kuza mu makipe umunani ahatanira igikombe.

Mbarushimana Abdou yari afite amasezerano yo gutoza Bugesera FC kugeza mu mwaka wa 2024.

Kuri ubu ikipe ya Bugesera FC igiye gutozwa na Ndayiragije Etienne watozaga Etoile FC.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO