Bunny Wailer, Umunyabigwi muri Reggae waririmbanye na Bob Marley yitabye Imana

Umunyabigwi mu njyana ya Reggae Neville O’Riley Livingston wamenyekanye nka Bunny Wailers yitabye Imana ku myaka 73 azize uburwayi.

Inkuru y’urupfu rw’uyu mugabo wakoze amateka mu guteza imbere injyana Ya Reggae yatangajwe n’Umujyanama we Maxime Stowe watangarije ikinyamakuru Obsever Online ko Bunnyi Wailer yitabye Imana aguye mu bitaro byo mu mugi wa Kingston.

Yagize ati "Mu gihe gito gishize nibwo yashizemo umwuka hari ahagana i saa mbiri z’igitondo n’ubu ndacyari kwa Muganga aho yapfiriye.

Bunny yari yongeye gusubira mu bitaro nyuma yaho mu mwaka ushize nabwo yari yajyanywe mu bitaro yagize ikibazo cy’indwara y’imitsi yo mu bwonko izwi nka Stroke."

Bunny Wailers azwiho kuba yari umwe mu bashinze Itsinda rya The Wailers aho yabanagamo na Bob Marley witabye Imana kuya 11 Gicurasi 1987 mu gihe Peter Tosh we yiciwe iwe mu rugo rwari muri St Andrew 11 nzeri 1987.

Bunny Wailer uretse indirimbo yakoranye na Bagenzi be muri the Wailers yakoze alubumu zitandukanye harimo Blackheart Man, yasohotse mu 1976, na Rock ’n’ Groove yasohotse nyuma yimyaka itanu ndetse akora na Zimwe mu ndirimbo zakunzwe na benshi zirimo Cool Runnings, Ballroom Floor , Crucial, na Bald Head Jesus.

Muri 2017, Guverinoma ya Jamaica yahaye Bunny Wailer igihembo cy’ishimwe, gifite agaciro k’icyubahiro cya kane mu gihugu. Guverinoma yongeye gushimira uruhare rwe muri muzika yo muri Jamaica muri Gashyantare 2019 hamwe na Reggae Gold Award.

Wailer yitabye Imana afite imyaka 73

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO