Buravan ati “Njye na New Level tumeze nk’ipata n’urugi”

Umuhanzi Yvan Buravan yanyomoje amakuru avuga ko yaba yaravuye mu nzu yamufashaga ya New Level akerekeza muri Rock Nation isanzwe ifasha abarimo Meddy na Kivumbi.

Amakuru ari ku mbuga nkoranyamabaga ni avuga ko Yvan Buravan yaba yaratandukanye n’inzu ya New Level isanzwe imufasha mu bikorwa bye bya muzika akerekeza mu yitwa Rock Star ya Bruce Intore isanzwe irimo “Meddy na Kivumbi.”

Buravan aganira na Genesis Tv yavuze ko ibyo bihuha nawe ari kubyumva nkuko abandi biri kubageraho.

Ati “Ibyo bihuha nanjye ndi kubyumva nkuko nawe wabyumvise, ahubwo ndashaka kumenya uwabizanye rwose!! gusa mu byukuri ndi umuhanzi wa New Level, njye nabo tumeze nk’urugi n’ipata.”

Kuva yatangira kumenyekana mu muziki nyarwanda muri 2015 Burabyo Yvan yakoranaga na New level.

Iyi nzu yakoreragamo ni yo yakoreyemo album ye ya mbere yise “Love Lab”, ndetse inamufasha mu gutwara igihembo cya Le prix de la découverte muri 2018.

Ibi bihuha si ubwa mbere bivuzwe, kuko no muri 2017 byavuzwe ko Buravan yatandukanye n’iyi nzu ikora umuziki, hanyuma agatangira gukora wenyine kugeza ubwo impande zombi zicaye zikongera kumvikana uburyo zakorana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO