Buri wese afite uburenganzira bwo kuvuga ibyo ashaka Mikel Arteta yasubije Aubameyang uherutse kumwibasira

Umutoza wa Arsenal Mikel Arteta yasubije uwahoze ari Kapiteni w’iyi kipe Pierre Emmerick Aubameyang nyuma yo gutangaza ko Arteta adashobora gutoza abakinnyi bakuru ahubwo ko ahimbira ku bakiri bato.

Arteta na Aubameyang bananiwe kurebana mu maso ubwo uyu mutoza yakuraga uyu mukinnyi mu bakinnyi bagombaga kubanza mu kibuga nyuma y’imyitwarire mibi yaranze uyu rutahizamu ukomoka mu gihugu cya Gabon.

Ibi kandi byatumye uyu rutahizamu yerekeza mu ikipe ya FC Barcelona mu kwezi kwa kabiri aho yagendeye agafafa ndetse uku gutandukana byashimishije aba bombi batari basigaye bumvikana namba.

Muri iyi minsi nibwo hongeye gikwirakwira amashusho aho Aubameyang yibasiraga uwahoze ari umutoza we muri Arsenal akavuga ko akemanga imitoreze ya Arteta n’uburyo abana n’abakinnyi.

Aubameyang yumvikanye avuga ko Arteta adashobora kubana n’abakinnyi bakuze kandi bakomeye kuko ngo ahora yifuza abakinnyi bakiri bato cyane badashobora kugira icyo bavuga.

Muri iki cyumweru nibwo Aubameyang kuri ubu ukinira Chelsea yagiye kuri Twitter ye avuga byinshi ku mubano we na Arteta ndetse aboneraho no kumwifuriza ishya n’ihirwe.

Aubameyang kandi yakomeje avuga ko Arsenal ikomeje kwitwara neza muri uyu mwaka w’imikino ndetse avuga ko ayifuriza ibyiza uretse ko ngo atayibyifuriza ubwo bazaba bahuye kuwa 6 Ugushingo ubwo Arsenal izaba itana mu mitwe na Chelsea.

Ubwo umutoza wa Arsenal Mikel Arteta yabazwaga ku magambo Aubameyang yatangaje ntabwo yabitinzeho ahubwo yagize ati:Abantu bafite uburenganzira bwo kuvuga ibintu byose bifuza kuvuga.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO