Burya ibuye rimeneka urwondo rugisukuma Manchester United yongeye kugarura ubuyanja nyuma yo kwisasira Liverpool ikayizukiraho

Ikipe ya Manchester United yaraye izukiye ku ikipe ya Liverpool aho yabashije kuyitsinda ibitego 2-1 nyamara iyi kipe yari igeze aho umwanzi ashaka nyuma yo kumara imikino 2 itabasha gutsinda umukino n’umwe.

Mu mukino wasozaga umunsi wa gatatu muri shampiyona y’igihugu y’Ubwongereza ikipe ya Manchester United yabashije kwisasira Liverpool iyizukiraho nyuma yo kuyitsinda ibitego 2-1 mu mukino wabaye mu ijoro ryakeye.

Ni umukino watangiye ku isaha ya saa tatu z’ijoro aho amakipe yombi yagiye mu kibuga bigaragara ko yose adahagaze neza kuko Liverpool yari ifite amanota 2 gusa mu gihe ikipe ya Manchester United nta nota na rimwe yari ifite.

Ikipe ya Manchester United yabanje mu kibuga abakinnyi batarimo kapiteni Harry Maguire ndetse na kizigenza Cristiano Ronaldo.

Abakinnyi Manchester United yabanje mu kibuga ni: De Gea;Diego Dalot, Varane, Lisandro Martinez, Malacia; McTominay, Eriksen; Sancho, Fernandes, Rashford; Elanga

Ku rundi ruhande ikipe ya Liverpool yabanje mu kibuga abakinnyi batamenyereye dore ko yari yibasiwe n’imvune cyane, mu bakinnyi yabanje mu kibuga harimo: Alisson, Alexander-Arnold, Gomez, Van Dijk, Robertson, Henderson, Milner, Elliott, Diaz, Salah, Firmino.

Manchester United yasoje igice cya mbere iyoboye umukino nyuma y’igitego cya Sancho ndetse akaba ari nacyo cyabashije gutandukanya impande zombi.

Ntabwo kandi byaje gutinda kuko ku munota wa 53 mu gice cya kabiri umukinnyi Marcos Rashford yabashije gutsinda igitego cya 2 nubwo ku munota wa 81 w’umukino Salah yaje gutsinda igitego cy’impozamarira ku ruhande rwa Liverpool ndetse umukino ukaza kurangira utyo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO