Burya igiti kimwe si ishyamba bitunguranye PSG isabye Neymar gushaka indi kipe

Ikipe ya Paris Saint Germain bakunda kwita (Les parisiens), yariye karungu bituma ifata umwanzuro wo kubwira umukinnyi mpuzamahanga ukomoka mu gihugu cya Brazil ariwe Neymar Jr Santos,gushaka indi kipe yakwerekezamo muri iyi mpeshyi.

Inkuru dukesha Sky Sports ivuga ko, ikipe ya Paris Saint Germain yamaze kubwira Neymar kwerekeza mu ikipe ashaka muri uku kwezi kwa Kamena 2022.

Amakuru avuga ko iyi kipe yabwiye Neymar ko ikipe irazana Miliyoni 76 z’Amapawundi ariyo igomba guhita imwegukana.

Umukinnyi Neymar Jr Santos yaguzwe n’ikipe ya Paris Saint Germain, mu mwaka wa 2017 aho yatanzweho akayabo k’amafaranga arenga Miliyoni 198 zose z’Amapawundi.

Gusa Les parisiens nk’uko bakunda kwita ikipe ya Paris Saint Germain itangaza ko imaze kurambirwa imyitwatire idahwitse ya Neymar Jr Santos aho bamumaranye imyaka igera kuri itanu, ariko imyitwatire ye ikaba igerwa ku mashyi.

Uyu mukinnyi kandi arazira kunanirwa gufasha iyi kipe nibura gutwara igikombe cya Champion’s league kandi aricyo bamuzaniye.

Neymar Jr Santos amaze gukinira ikipe ya Paris Saint Germain imikino 148 aho yabashije kuyitsindira ibitego 98.

Kugeza ubu Neymar w’imyaka 30 y’amavuko amaze kwangwa n’abafana ba Paris Saint Germain bitewe no kutabubaha.

Biravugwa ko amakipe menshi atandukanye yo ku mugabane w’I Burayi yatangiye kwegera Neymar ngo Abe yayerekezamo.

Neymar Jr Santos magingo aya, niwe ufite agahigo ko kugurwa amafaranga menshi kurusha undi mukinnyi uwo ari we wese ku Isi aho yaguzwe Miliyoni 198 z’Amapawundi mu mwaka wa 2017 ubwo yavaga muri FC Barcelona yerekeza muri Paris Saint Germain

Niba wifuza kumenya ubuhanga bwa Neymar fungura aya mashusho.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO