Burya inkono ihira igihe!The Ben na Pamella basezeranye imbere y’amategeko

Umuhanzi w’icyogere mu Rwanda Mugisha Benjamin abenshi bazi nka The Ben ku mazina y’ubuhanzi atunguye benshi ubwo amashusho yasakaraga ku mbuga nkoranyambaga agaragaza uyu muhanzi yasezeranye na Miss Uwicyeza Pamella mu murenge wa Kimihurura ho mu Karere ka Gasabo.

Ni umuhango wabereye mu Murenge wa Kimihurura, mu Karere ka Gasabo ndetse uyu muhango ubaye hashize amezi 10 uyu muhanzi yambitse impeta umukunzi we Pamella.

Uyu muhango wabaye mu ibanga rikomeye,ndetse abitabiriye uyu muhango nta numwe wari wemerewe gukoresha Telefoni mu rwego rwo kwirinda gukwirakwiza amafoto n’amashusho ku mbuga nkoranyambaga.

Miss Uwicyeza Pamella na The Ben urukundo rwabo rwatangiye kuvugwa cyane mu mwaka wa 2019 gusa birinda kubitangariza itangazamakuru.

Mugisha Benjamin (The Ben) kuri ubu aba muri Leta Zunze Ubumwe za Amerika yagarutse mu Rwanda mu ijoro ryo kuwa 03 Kanama 2022 aho yari yitabiriye igitaramo cyiswe Rwanda Re-Birth cyateguwe na Rwanda East Gold Company.

The Ben na Pamella bagaragara imbere y’umurenge wa Kimihurura aho basezeranye mu mategeko

Byari Ibyishimo nyuma y’uko aba bombi bari bamaze gusezerana

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO