Perezida wa KIYOVU mushya yiyanditse ku modoka y’ikipe kugira ngo itazafatirwa

Mvukiyehe Juvenal perezida w’ikipe ya Kiyovu Sport mushya, yavuze ko impamvu imodoka byavugwaga ko yaguriye ikipe yarangiza akayiyandikaho ku byangonbwa biyiranga, ari uko yagiraga ngo ikipe itazaba iri mu madeni bakayiteza cyamunara nk’umutungo umwe rukumbi Kiyovu ifite.

Juvenal yaguriye ikipe ya Kiyovu Sport imodoka yo gutwara abakinnyi yo mu bwoko bwa Benzi, haza gusohoka amakuru avuga ko yayiyanditseho, bamwe mu bakunzi ba Kiyovu bakavuga ko itari iy’ikipe ahubwo ko ari iy’uwo munyemari yemeye gutiza iyi kipe.

Mu kiganiro yagiranye na Radio10 uyu mugabo yavuze ko impamvu imodoka ya Kiyovu atayanditse ku ikipe akayiyandikaho, ari uko yagiraga ngo iyi kipe itazaba ifite umwenda bakayigurisha.

Yagize ati: “Nibyo koko imodoka nayiyanditseho kandi ni imodoka nziza ifite imyanya irenga 54 ndumva ariyo nini mu Rwanda, nanze kuyandika ku ikipe kuko tutari twagashyize ibintu ku murongo ngo ndebe niba nta mwenda dufite batazayitwara muri cyamunara. Ndizera ko nibirangira twashishoje tuzayandika kuri Kiyovu.”

Uyu mugabo kandi yavuze ko iyi modoka izajya inywa lisansi ndetse n’amavuta ku buntu inakoreshwe ku mafaranga yo ku mufuka we kugeza ishaje nkuko yabyemereye iki gitangazamakuru.

Juvenal aherutse gutorerwa kuyobora iyi kipe ku wa 27 Nzeri 2020, mu nama y’inteko rusange y’abanyamuryango ba Kiyovu Sport, aho yasimbuye ku mwanya wa Perezida Mvuyekure Francois ndetse na Theodore Ntarindwa wari umuyobozi wungirije wa Kiyovu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO