Bwa kabiri, Bruce Melodie ashobora kubura amahirwe yo gutaramira I Burundi

Nyuma yaho umuhanzi Israel Mbonyi ahagarikiwe ibitaramo yari afite I Burundi, ubu na Bruce Melodie nta cyizere cy’uko azahakorera igitaramo bitewe nibyo Minisitiri w’umutekano mu Burundi yatangaje.

Minisitiri w’Umutekano mu Burundi, Gervais Ndirakobuca yashimangiye ko nta muhanzi w’umunyarwanda uzajya gutaramira muri iki gihugu kugira ngo atabazanira icyorezo cya COVID-19.

Uyu muyobozi yabitangaje bivuye ku muhanzi Israel Mbonyi wagombaga kujya kuhataramira taliki ya 13, 14, 15 Kanama 2021.

Ati “Nta muntu uzakubita umuziki mu Burundi tuzemerera kandi avuye mu Rwanda kandi bugaraye. Ntawe tuzemerera ngo aze gukubita umuziki mu Burundi kandi bugaranye ngo atuzanire akarambaraye.”

Ibitaramo bya Bruce Melodie byari mu gahunda y’ibitaramo yise Kigali World Tour bizazenguruka mu bihugu bitandukanye.

Mu 2018 Bruce Melodie na Meddy basubitse ibitaramo bari kuhakorera bitewe n’impungenge bari bafitiye umutekano wabo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO