Bwiza yegukanye irushanwa rya ‘The Next Diva’ asanga Danny Vumbi na Mico muri KIKAC

Bwiza Emerance w’imyaka 21 niwe wegukanye irushanwa rya The Next Diva ryateguwe n’inzu ifasha abahanzi ya KIKAC Music ahasanga abandi barimo Danny Vumbi na Mico The Best.

Uhujimfura Claude ushinzwe abahanzi muri KIKAC Music yatangarije Genesisbizz/Tv ko mu gihe cy’ukwezi iri rushanwa ryamaze babashije kwakira amashusho y’abakobwa barenga 211 aho bitari byoroshye kugira ngo bahitemo uzegukana uwo mwanya.

Abari bagize akanama nkemurampaka bajya guhitamo uwo mukobwa harimo Danny Vumbi n’abandi binzobere mu muziki.

Bahisemo Bwiza Emerance ngo kuko yagaragaje ubuhanga n’ijwi ryihariye no kuba azi gukoresha Guitar.

Yagize ati Ati “Bwiza Emerance ni umwe mu bahatanye ufite ijwi rifite umwihariko, yatanze amashusho aririmbira ku murya wa gitari, ijwi rye n’ubuhanga mu muziki nibyo byamufashije kwegukana intsinzi.”

Byitezwe ko mu minsi iri imbere aribwo asinya amasezerano y’imyaka itanu y’imikoranire agiye kugirana na KIKAC Music.

Uyu mukobwa mu butumwa yashyize kuri instragram ye yagize ati “Ndishimye cyane kuba mbashije gustinda irushanwa rya Next Diva indi mbuto .Ndabizeza ko nzakora ibishoboka byose kugira ngo mbaheshe ishema yaba njyewe ndetse n’ikipe yose ya Kikac Music.”

Bwiza Emerance ugiye kwinjira mu muziki yitwa Bwiza abaye uwa mbere utsinze irushanwa rya ‘The Next Diva’ rizajya ritegurwa buri myaka ibiri na KIKAC Music mu rwego rwo gushakisha impano z’abakobwa mu muziki.

Uyu mukobwa w’imyaka 21 asanzwe yiga ibijyanye n’Ubukerarugendo muri Mount Kenya University akomoka mu karere ka Bugesera.


Uyu mukobwa avuka mu karere ka Bugesera

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO