Byacitse hagati ya 50 Cent na Madonna kubera amafoto yashyize hanze yambaye ubusa

Umuririmbyikazi Madonna yise umwanda imbabazi yasabwe na 50 Cent nyuma y’uko yashyize hanze ifoto imusebya ndetse akavuga ko kumusaba imbabazi yabikoze mu buryo bw’urwiyerurutso. ibi byose bibaye nyuma y’uko uyu mugore yashyize hanze amafoto y’uruhererekane yambaye ubusa ari ku buriri akavugisha benshi.

Madonna Louise Ciccone w’imyaka 63 ni umuririmbyikazi w’Umunyamerika, akaba umwanditsi w’indirimbo, umukinnyikazi wa filime ndetse akaba ari n’umushoramari wamenyekanye cyane mu myaka ya 1980 na 1990 ku izina Madonna.

Kugeza uyu munsi ibintu ntibimeze neza hagati ya Madonna na 50 Cent aho uyu mugore ari gushinja 50 Cent kumwibasira no kumuharabika kubera ko ari kwegera imyaka y’ubukecuru akavuga ko ibyo akora bitagakwiye kuba bikorwa n’abantu bafite imyaka nk’iye.


Amafoto Madonna yashyize hanze yambaye ubusa.

nyuma y’uko Madonna ashyize hanze aya mafoto , 50 Cent ntiyaryumyeho yahise avuga ati " Mbega intangarugero, kuri njye ntibimfasheho rwose "

Intandaro y’ibi byose yabaye igihe 50 Cent yavugaga ko hari ifoto imwe uyu mugore yagaragaye ameze nk’umurozikazi ndetse ibi nibyo byahise bikongeza umuriro hagati y’aba bombi.

Mu mashusho uyu mugore yashyize ku rukuta rwe rwa Instagram areshya n’iminota 2 n’amasegonda 19, yasubije uyu muraperi 50 Cent adaciye ku ruhande avuga ko imbabazi yamusabye ari umwanda.

Yagize ati " Gusaba imbabazi kwawe ni urwiyerurutso, ni umwanda kandi nta gaciro imbabazi zawe zifite. "

Yakomeje avuga ati " Gusaba imbabazi kwawe nta gaciro bifite kuko nawe utazi icyo uri gusabira imbabazi, icyo ukwiye gusabira imbabazi ni ivangura rishingiye ku gitsina, ivangura rishingiye ku myaka no guharabika."

Ni mugihe 50 Cent we yavuze ko asaba imbabazi Madonna kandi ko ibyo yakoze atari agamije kumubabaza kandi ngo ko nta nyungu n’imwe abifitemo.

Madonna we yahise avuga ko ibyo 50 Cent avuga ko abeshya ko ndetse yabikoze agamije inyungu kuko yashyize ifoto ku mbuga ze kandi iyo abantu bakunze ifoto cyane (like) urabyishyurirwa.

Nyuma Madonna yasoje avuga ko ababariye 50 Cent kandi ko yifuza ko umunsi umwe yazabona ibintu mu buryo butandukanye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO