Byadogereye amakipe abiri yamamariza U Rwanda atangiye kurwanira umukinnyi wa Olympic Lyonnais

Ikipe ya Arsenal na Paris Saint Germain ni amakipe yombi yamamariza U Rwanda biciye muri "Visit Rwanda". Aya makipe yakunze kugaragaza ubushake bwo gusinyisha umukinnyi wa Olympic Lyonnais witwa Lucas Packeta bitewe n’imyitwarire ye myiza arimo kugaragaza mu kibuga.

Ibitangazamaku kuri ubu byinshi mu gihugu cy’Ubufaransa bikomeje gutangaza ko uyu mukinnyi ukomoka mu gihugu cya Brazil usanzwe ukina mu kibuga hagati mu ikipe ya Olympic Lyonnais kuri ubu arimo kurwanirwa n’aya makipe yombi.

Uyu mukinnyi w’imyaka 24 y’amavuko afite amasezerano agomba kugeza mu mwaka wa 2025 nk’umukinnyi wa Olympic Lyonnais.

Uyu mukinnyi wageze muri iyi kipe ya Olympic Lyonnais mu mwaka wa 2020 bisobanuye ko agifite amasezerano nk’umukinnyi wa Olympic Lyonnais.

Aya makipe yombi amushaka asabwa kugirana ibiganiro bisesuye na Jean Michael Aulas umuyobozi mukuru w’ikipe ya Olympic Lyonnais.

Gusa abakurikiranira hafi imikinire y’uyu mukinnyi bemeza ko mu ikipe ya Arsenal harimo abakinnyi benshi bameze neza kandi bakina ku mwanya umwe nawe, harimo Umwongereza Bukayo Saka ufite n’amamuko mu gihugu cya Nijeriya.

Undi mwanya uyu mukinnyi ashobora gukinaho hari undi musore mwene wabo nawe uturuka mu gihugu cya Brazil witwa Gabriel Martnelli Theodor Da Silva.

Umutoza Mikel Arteta we ntahwema kwerekana ko akeneye uyu mukinnyi Lucas Packeta nubwo abenshi bibaza aho yamukinisha.

Lucas Packeta ushakishwa na Arsenal na Paris Saint Germain.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO