Byaramurenze yikuramo imyambaro ye yose ayiha abafana ba FC Barcelona we asigara yambaye mugondo

Umukinnyi w’ikipe ya Sevilla ndetse wanakiniye FC Barcelona witwa Yvan Raktic yanditse amateka ku kibuga Camp Nou akora agashya katangaje benshi aho we ngo yari agamije gushimisha abafana aho yikuyemo imyenda ye maze akayiha abafana ba FC Barcelona.

Hari mu mukino wa shampiyona wabaye ku cyumweru taliki 3 Mata 2022 aho ikipe ya FC Barcelona yatsinze Sevilla igitego 1-0.

Uyu mukinnyi Yvan Raktic yakiniye ikipe ya FC Barcelona imyaka isaga 6 batandukana mu mwaka wa 2020 aho abafana batabonye uko bamusezera kubera ikibazo cya COVID-19 ndetse icyo gihe abafana ntibari bemerewe kuza ku kibuga.

Yvan Raktic w’imyaka 34 y’amavuko ubwo yagarukaga ku kibuga cya FC Barcelona Camp Nou yasazwe n’ibyishimo abafana ba FC Barcelona bamukomeye amashyi bamushimira ibyo yabakoreye.

Nyuma yo kugira ibyishimo bidasanzwe bitewe n’ukuntu abafana bamuririmbiraga Yvan Raktic nawe yahisemo kwivanamo imyambaro ye ayiha abafana ba FC Barcelona maze asigara yambaye mugondo aho yasubiye mu rwambariro ariyo yambaye gusa.

Uyu mukinnyi mu gihe yamaze muri FC Barcelona yegukanye ibikombe bisaga 13 harimo 4 bya shampiyona ndetse na UEFA Champions League mu mwaka wa 2015 ubwo batsindaga Juventus ibitego 3-1 ndetse muri ibyo bitego harimo n’icyatsinzwe na Yvan Raktic.

Raktic wakuyemo imyenda akayiha abafana agasigara yambaye mugondo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO