Byiringiro Lague yabatijwe mu mazi menshi mbere yo gusezerana n’umugore we

Rutahizamu w’Ikipe y’Igihugu ’Amavubi’ na APR FC, Byiringiro Lague, yabatijwe mu mazi menshi mu muhango wabaye kuri uyu wa kabiri tariki ya 16 Ugushyingo 2021 kuri piscine ya Tennis Club i Nyarutarama .

Uyu rutahizamu wabatijwe na Pasiteri Shema Christian yabikoze mu gihe hasigaye iminsi mike ngo asezerane imbere y’Imana n’Umukunzi we Uwase Kellia kuko biteganyijwe ko buzaba tariki ya 4 Ukuboza 2021.

Pasiteri Shema Christian Nyuma yo kubatiza uyu Rutahizamu wa APR FC yamusabiye umugisha ku mana amuturiraho amagambo akomeye agira ati “"Ndagushimiye Mana yacu, urakoze ko intambwe ikomeye ayitereye mu biganza byawe. Ndasenze ngo ubuzima bwe buhinduke. Ndagushimiye, imbaraga z’Umwuka wera zimubeho, abashe kugendera mu nzira zawe aguhesha icyubahiro. Ni mu izina rya Data wa Twese n’iry’Umwana n’Umwuka Wera. Amina.’’

Byiringiro Lague Mu mpera ya Nzeri uyu mwaka ni bwo we n’umukunzi we Uwase Kellia basezeranye imbere y’amategeko mu Murenge wa Nyarugenge, mu Karere ka Nyarugenge.

Biteganyijwe Imihango yo gusaba no gukwa yabo izabera muri Luxury Palace saa Tatu za mu gitondo mu gihe saa Munani ari bwo bazasezerana imbere y’Imana mu rusengero rwa Philadelphia Rhema Church ruri hafi y’Umurenge wa Kimironko. Nyuma y’iyo mihango yombi, abatumiwe bazakirirwa muri Luxury Palace iri ahazwi nka Norvège.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO