CAN: Umubare w’abafana kuri Stade wagejejwe kuri 80%

Impuzamashyirahamwe y’Umupira w’Amaguru muri Afurika (CAF) nyuma yo kuganira na guverinoma ya Cameroon ku ngamba zo kwirinda icyorezo cya COVID-19 yatangaje uko abafana bazitwara mu mikino ya CAN.

Umubare w’abafana bazareba imikino y’Igikombe cya Afurika cya 2021 kuri stade zo muri Cameroun wagejejwe kuri 80% z’ubushobozi bwazo ku mikino irimo iki gihugu cyakiriye na 60% ku yindi mikino y’irushanwa.

Igikombe cya Afurika kizatangira taliki ya 9 Mutarama kugera kuya 6 Gashyantare 2022, abafana bazitabira ku bibuga bagomba kuba barikingije byuzuye ndetse bakerekana ko bipimishije COVID-19 kandi batayirwaye.

Ku Cyumweru saa Kumi n’ebyiri, Cameroon izatangira Igikombe cya Afurika ikina na Burkina Faso kuri Olembe Stadium y’i Yaoundé, ifite ubushobozi bwo kwakira abantu ibihumbi 60.000.

Undi mukino utegerejwe kuri uwo munsi ni uzahuza Ethiopie na Cap Verde iherutse gutangaza ko hari ubwandu ifite ndetse umutoza ni umwe mu banduye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO