CANADA: Polisi ihangayikishijwe n’imbwebwe zatorotse aho zari zifungiye ubu zikaba ziri mu baturage

Polisi ya Canada irajwe ishinga no gushakisha imbwebwe zaburiwe irengero nyuma y’uko zitorotse aho zari zifungiwe i Vancouver mu cyanya berekaniramo inyamanswa.

Polisi hamwe n’abashinzwe kugenzura inyamanswa bizera ko izi nyamanswa kugirango zitoroke zabifashijwemo n’umuntu utaramenyekanye wakase uruzitiro rw’aho zari zifungiye mu ijoro, bukeye bagasanga imbwebwe icyenda zose nta n’imwe isigaye.

Umuyobozi mukuru w’iki kigo gishinzwe kwita ku nyamanswa Menita Prasad arasaba abaturage bose kubafasha gushakisha izi mbwebwe ndetse ko aho bazibona batazica kuko ngo nazo ziri gukora ibishoboka byose ngo zigaruke aho zari zicumbikiwe ndetse ngo ntizikunda gusagarira abantu.

Magingo aya Polisi iri mu iperereza aho iri gushakisha uwaba yihishe inyuma yo gusenya uruzitiro rw’ahari izi nyamanswa bigatuma zitorongera kuko ari icyaha gihanwa n’amategeko.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO