CHINA: Imyiyerekano iravuza ubuhuha mu rwego rwo gutitiza Taiwan

Bikomeje kuvugwa ko Ubushinnwa bwatangije imyiyerekano karundura ya gisirikane mu rwego rwo gushaka gutitiza Taiwan, ndetse ngo iyi myiyerekano irimo kubera mu nkengero z’inyanja zikikije Taiwan.

Iyi myiyereko yatangiye saa sita z’amanywa (12:00) ku isaha yaho,bikaba saa kumi n’ebyiri za mu gitondo (6:00) zo mu Rwanda, ndetse byitezwe ko iyi myiyerekano irakomeza gukorwa mu ntera y’ibirometero 19 uvuye kuri iki kirwa.

Taiwan yavuze ko Ubushinwa burimo kugerageza guhindura uko ibintu bisanzwe bimeze muri ako karere.

Ubushinwa buvuga ko iyi myiyereko ibera mu nzira zo mu mazi zikoreshwa cyane kandi ngo irimo kuberamo imyiyerekano ishingiye ku kurasa amasasu.

Taiwan ivuga ko iyi myiyereko ari ugufunga inyanja n’ikirere, ndetse yavuze ko ku wa gatatu yakoranyije indege z’intambara mu rwego rwo kwirukana indege z’intambara z’Ubushinwa.

Magingo aya Taiwan yasabye amato (ubwato) yayo gushakisha izindi nzira mu kwirinda iyo myiyereko, kandi Taiwan iri mu biganiro n’Ubuyapani na Philippines bituranye, mu rwego rwo gushakisha indi mihanda y’indege.

Source:BBC

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO