CIA Yanyomoje amakuru avuga ko Putin ashobora kuba arembye aho arwaye kanseri yagize ibanga

Hashize iminsi hakwirakwira ibihuha bivuga ko perezida w’Uburusiya Vladimir Putin ashobora kuba arwaye kanseri yagize ibanga, Gusa CIA yanyomoje aya makuru ivuga ko ari ibihuha.

Kuva Intambara ihuza Uburusiya na Ukraine yatangira, ni kenshi byavuzwe ko Vladimir Putin ashobora kuba arwaye kanseri yibasira umwingo yagize ibanga rikomeye.

Vladimir w’imyaka 69 nanone ni kenshi byavuzwe ko ashobora kuba arwaye indwara itera gutakaza ubushobozi bwo kugenda no kuvuga neza (Parkinson’ s disease) nyuma yo kugaragara ibiganza bye n’amaguru bisusumira muburyo atabasha kubigenzura mu nama zamuhuje n’abandi bayobozi bakuru.

Umuyobozi mukuru wa CIA bwana William Burns mu kiganiro na BBC yavuze ko kugeza ubu nta bimenyetso bifatika bafite bihamya aya makuru y’uburwayi bwa Putin ahubwo avuga ko yizera cyane ko afite ubuzima buzira umuze.

Yakomeje agira ati:" Kugeza ubu hari ibihuha byinshi bivuga kuri perezida Putin, gusa kugeza ubu icyo nababwira ni uko afite ubuzima buzira umuze."

Ubuzima bwa Vladimir Putin bukomeje kwibazwaho na benshi


Putin ubwo aheruka kugaragara hamwe na perezida wa Iran (Ebrahim Raisi) mu nama yabahuje kuri uyu wa kabiri

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO