Cambodiya: Agahinda gakomeye nyuma y’uko intwari "Magawa" yagize uruhare mu gutegura ibisasu bisaga 71 yapfuye ubwo yari mu kiruhuko cy’izabukuru

Wumvise izina Magawa, ushobora kugirango ni umuntu runaka gusa siko bimeze. Magawa ni imbeba yagizwe intwari bitewe n’ibikorwa yakoze byarokoye ubuzima bw’abantu benshi byiganjemo gufasha abantu gutahura ibisasu. Iyi mbeba yagize uruhare rukomeye mu gutegura ibisasu muri Cambodiya kuva mu mwaka wa 2016.

Imbeba "Magawa" yavukiye muri Tanzania nyuma iza kujyanwa muri Siem Reap mu gihugu cya Cambodiya mu mwaka wa 2016 ubwo yatangiraga akazi ko gutahura no gutegura ibisasu.

Igihugu cya Cambodiya ni kimwe mu bifite ibisasu byinshi binyanyagiye ku butaka bitewe n’intambara zagiye ziba rwagati mu baturage.

Nibura habarurwa ubutaka bungana n’ibirometero kare bisaga 1,000 binyanyagiyeho ibisasu bishobora guturikana abantu isaha ku isaha.

Nibura muri Cambodiya habarurwa abantu basaga 40,000 bacitse amaboko cyangwa amaguru baturikanywe n’ibisasu binyanyagiye ku butaka.

Igihe iyi mbeba "Magawa" yageraga muri Cambodiya, yafashije gutahura no gutegura ibisasu bisaga 71 byari gushyira ubuzima bw’abantu mu kaga.

Ibi byatumye mu mwaka wa 2020 ihabwa umudali wa zahabu w’ishimwe bitewe n’ibikorwa by’ubutwari mu gutabara ubuzima bw’abantu no gukunda akazi.

Iyi mbeba ipfuye yari mu kiruhuko cy’izabukuru kuva mu kwezi kwa Kamena 2021.

Magawa yahawe umudali wa Zahabu w’ishimwe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO