Canada yafunguye imiryango aho igiye kwakira abimukira 500,000 buri mwaka
- by
- 22/11/2022 saa 08:19
Igihugu cya Canada cyafunguye imiryango aho igiye kujya yakira abimukira 500,000 buri mwaka ibi bikazakorwa kugeza mu 2025.
Biteganyijwe ko kugeza mu mwaka wa 2025 abimukira hafi 1,500,000 bazaba bamaze gutuzwa muri Canada nk’uko byatangajwe na minisitiri ushinzwe abimukira mu nshingano Sean Fraser mu ntangiriro z’uku kwezi.
Ese ni mpamvu ki Canada yaba yifuza kwakira abimukira benshi?
Impamvu nyamukuru yo kwakira abimukira benshi aka kageni ngo ni ukugirango hazibwe icyuho mu bukungu bukomeje kugabanuka bwa Canada.
Impamvu ubukungu bukomeje kugabanuka biterwa n’umubare munini w’abari mu zabukuru bavutse hagati y’imyaka ya baby boom kuva 1946-1964 bigatuma mu gihugu hagaragara umubare munini w’abantu badashoboye gukora hakaboneka imirimo myinshi ibarirwa mu ma miliyoni ibura abayikora.
Kugeza ubu iki cyemezo ntabwo cyishimiwe n’abanyagihugu batandukanye dore ko ubushakashatsi buheruka kugaragaza ko umuturage umwe muri batanu wo muri Canada ari umwimukira.
Canada yakinguye imiryango ku bimukira basaga 1,500,000
