Canal + yafunguye imiryango mu Rwanda…Intego ni ukuzamura imyidagaduro

Ikigo gicuruza amashusho cya Canal Plus cyaraye gifunguye imiryango ku mugaragaro bemeza ko ubu baje gushinga icyicaro mu Rwanda kugirango bakomeze bakorane neza n’Abanyarwanda hagamijwe guteza imbere ibikorwa byose by’imyidagaduro.

Canal + international iri mu bihugu birenga 20 bya Afurika aho ikwirakwiza imiyoboro y’amashene ya televiziyo mu Rwanda kuva mu mwaka wa 2012 binyuze ku mufatanyabikorwa Tele 10.

Muri uyu mwaka canal + na Tele 10 bateje imbere ubufatanye bwabo bashyiraho Canal + Rwanda. Iri terambere ryifujwe naba bafatanyabikorwa bombi rizatuma bishoboka gushyira imbaraga mu guteza imbere urwego rw’amajwi n’amashusho mu Rwanda.

Umuyobozi mukuru wa Canal + mu Rwanda - Sophie Tchatchoua Ati “ Canal + Rwanda izashyiraho ubunararibonye isanganywe kugirango ifashe iterambere ry’imyidagaduro mu Rwanda.”

Kugirango bigerweho ibiro bya Canal + byatangiranye n’ikipe izabafasha kugera ku ntego yabo kandi ngo biteguye gufatanya nabifuza gukorana nabo muri uru rugendo rushya.

Canal + Rwanda igamije gutanga umusanzu mu iterambere ry’ubucuruzi no gukwirakwiza amashene ya Canal + mu karere kose k’u Rwanda.

Ikindi ni uko Canal + Rwanda yifuza kuba umufatanyabikorwa w’imena mu guteza imbere ibijyanye na sinema mu Rwanda.

Ibi bikorwa byo guteza imbere sinema mu Rwanda babitangiye ubwo bafashaga filime z’Abanyarwanda nka “La misericorde de la jungle” ya Karekezi Joel, “Petit pays” ya Eric Barbier cyangwa se “Notre dame du Nil” ya Atiq Rahimi zakozwe ndetse zikanerekanwa ku ma shene atandukanye ya Canal +.

Ibi birori byitabiriwe n’abarimo Nyagahene ukuriye ikigo cya Tele 10, Sarah Ubben na Sophie Tchatchoua bakuriye Canal + Rwanda hamwe n’abandi bayobozi b’ibitangazamakuru byo mu Rwanda bigaragara kuri canal plus.

Gufungura Canal + mu Rwanda bizafasha mu guteza imbere ibihangano bikorerwa mu Rwanda bigenewe abafatabuguzi bose.

Canal + imaze kubaka izina rikomeye ku migabane y’Iburayi, Afurika ndetse na Aziya. Magingo aya bafite abafatabuguzi bagera kuri miliyoni 20 ku Isi, muri bo miliyoni 5 bakaba babarizwa muri Afurika.

Hamwe na Studio Canal, nibo bayoboye ku mugabane w’Iburayi mu gutunganya, guhabwa uburenganzira ndetse no gucuruza amafilime na serie za televiziyo.

Abayobozi ba Canal + Rwanda bari gufata ifoto y’urwibutso

Bamwe mu bayobozi b’ibitangazamakuru bari bitabiriye iki gikorwa

Cyusa Ibrahim niwe wataramiye abantu

Hari haje abantu batandukanye

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO