Cassa Mbungo yashimye Sarpong , gusa ngo akeneye imyitozo myinshi

Umutoza mushya wa Rayon Sports Cassa Mbungo Andrew yavuze ko Rutahizamu w’iyi kipe ukomoka muri Ghana Michael Sarpong ari umukinnyi w’umuhanga. Gusa ngo agomba kongera umwitozo (fitness).

Michael Sarpong umwaka ushize yerekeje mu Bushinwa aho yari agiye kumvikana n’ikipe yamwifuzaga yitwa Changchun Yatai yo mu cyiciro cya kabiri, aho yari kumutangaho akayabo k’amadolari y’Amerika angana n’ibihumbi 650$.

Icyo gihe uyu mukinnyi yagarutse mu Rwanda mu ntangiriro z’uyu mwaka wa 2020, kubera icyorezo cya COVID-19 cyari kimaze guhagarika ibikorwa byose bihuza abantu muri icyo gihugu.

Umutoza wa Rayon Sports Cassa Mbungo Andrew yavuze ko uyu musore ari umuhanga, ndetse yongeraho ko afite imikinire ye yihariye nubwo atari yagarura imbaraga nk’izo yari afite mbere.

“Sarpong ni umukinnyi mwiza ushobora kugumana umupira, ashobora guha imipira bagenzi be batsinda, arihuta kandi ni umukinnyi ushobora gucenga bigashoboka ariko imbaraga ze ziracyari nke agomba gukora cyane".

Cassa Mbugo yakomeje avuga ko nta mwanya uhari wo kongera imbaraga ze kuko ikipe ya Rayon Sports ifite undi mukino ku wa kabiri ariko ko bagiye kugerageza kumukoresha imyitozo ku buryo azagaruka ameze neza.

Rutahizamu Michael Sarpong ni umukinnyi wa Rayon Sports kuva mu mwaka wa 2018, uyu musore w’imyaka 23 mbere yo kugera mu Rwanda yari rutahizamu ngenderwaho mu ikipe ya Dreams FC yo muri Ghana.

Mu mwaka ushize w’imikino yatsindiye Rayon Sports ibitego 16 akaba ari mu bayifashije kwegukana igikombe cya shampiyona.

Uyu mwaka mu mikino ibanza ya shampiyona yagiye mu Bushinwa yari amaze gutsinda ibitego 6. Uyu rutahizamu akaba yarongeye gutsindira iyi kipe mu mukino uheruka ubwo yatsindaga igitego cya peneliti mu mukino wabahuje na Musanze bikaza kurangira ari 2-1.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO