Champion’s League:Real Madrid yeretse Liverpool ko abagabo barutanwa iyipfukamisha ubugira Kabiri
- by
- 16/03/2023 saa 10:06
Ikipe ya Real Madrid mu ijoro ryakeye yongeye kubabaza ikipe ya Liverpool iyitsinda igitego 1-0 mu mukino wo kwishyura wa Champion’s League waberaga ku kibuga Santiago Bernabeo ndetse ibi byatumye Real Madrid yisanga muri kimwe cya kane cya Champion’s League.
Mu ijoro ryo kuri uyu wa gatatu nibwo nibwo hakinwe uyu mukino maze ikipe ya Real Madrid birangira yongeye gutsinda Liverpool igitego 1-0 ndetse birangira igiteranyo cy’imikino yombi iyi Liverpool isezerewe ku bitego 6-2.
Real Madrid yari nayo yakiriye uyu mukino kuri Santiago Bernabéu nyuma y’uko yari yatsinze ibitego ibitego 5-2 mu mukino ubanza wabereye mu Bwongereza.
Igitego cya Real Madrid cyabonetse ku munota wa 78, Real Madrid ifungura amazamu gitego cyinjijwe na Benzema wari umaze guherezwa na Vinícius.
Biteganyijwe ko ku munsi w’ejo kuwa Gatanu aribwo tombora y’uburyo amakipe azacakirana muri kimwe cya kane irakorwa.
Vinicius Junior niwe watanzemo umupira wavuyemo igitego cyabonetse ku munota wa 78 gitsinzwe na Karim Moustapha Benzema.
