Charly na Nina basabye abafana gutegura inkweto zo kuwukata, Bo bati “Twari tubakumbuye”

Hari hashize igihe bivugwa ko abakobwa bagize itsinda rya Charly na Nina baba baratandukanye gusa bo baza kubihakana. Ubu nibo bagezweho mu gitaramo cya iwacu muzika festival aho banararikiye abafana babo kuzifatanya muri icyo gitaramo.

Iwacu Muzika Festival ni igitaramo ngarukamwaka kiba buri cyumweru binyuze kuri Televiziyo y’igihugu kubera kwirinda Covid-19.

Muri iki gitaramo hamaze gutambuka abahanzi benshi b’Abanyarwanda, ubu abatahiwe ni Charlotte Rulinda na Muhoza Fatuma bazwi nka Charly na Nina.

Aba bahanzi babinyujije ku rukuta rwabo rwa instagram banditse bagira bati “Mutegure urukweto ubundi tuzataramane bitinde kuri uyu wa Gatandatu. Muriteguye?.”

Iri tsinda hari hashize igihe kinini ritumvikana mu itangazamakuru aho byavugwaga ko bashobora kuba baratandukanye.

Ababakurikira ku mbuga nkoranyambaga zabo berekanye ko bishimiye iyi nkuru y’uko bazataramirwa nabo.

Bati “Twari tubakumbuye kandi birashimishije kongera kubabona muri kumwe rwose turabakunda.”
Igitaramo cya Charly na Nina biteganyijwe ko kizaba muri iki cyumweru taliki ya 12 Nzeri 2020.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO