Chelsea irimo guhigisha abakinnyi bashya uruhindu nyuma y’aho Arsenal iyerekeye ko igifite byinshi byo gukora

Ikipe ya Chelsea ikomeje gukoresha imbaraga z’umurengera aho irimpo gushaka hasi hejuru abakinnyi bashya kugirango irusheho kwiyubaka nyuma yo kubona ko igifite icyuho gikomeye ubwo yatsindwaga na Arsenal ibitego 4-0.

Chelsea irimo gushakisha bikomeye Umuholandi Frenkie de Jong w’imyaka 25, kuri ubu ukinira ikipe ya FC Barcelona gusa uyu mukinnyi yatangaje ko adashaka kuva ku kibuga Camp Nou.

Ntabwo ari Chelsea yifuza gusa De Jong kuko n’ikipe ya Manchester United ikomeje kumwifuza dore ko yamutanzeho agera kuri Miliyoni 85 z’amayero.

Magingo aya Chelsea iri mu kababaro kenshi nyuma yo gutwarwa na Barcelona abakinnyi barimo Raphinha, ndetse na myugariro Jules Kounde.

Chelsea irimo kugerageza gushaka umukinnyi w’inyuma wa Leicester City umufaransa Wesley Fofana w’imyaka 21,hamwe n’umuholandi ukina inyuma witwa Denzel Dumfries w’imyaka 26 usanzwe akinira Inter Milan.

Chelsea kandi biravugwa ko yamaze gutangira ibiganiro bikomeye n’ikipe ya Brighton aho yifuzamo abakinnyi gusa ntabwo baramenyekana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO