Ku munsi wa nyuma w’isoko ry’igura n’igurisha ry’abakinnyi ku mugabane w’I Burayi ikipe ya Chelsea yabashije kugura abakinnyi babiri barimo Aubameyang na Zakaria Dennis yakuye muri Juventus.
Aubameyang wahoze ari kapiteni wa Arsenal yatangajwe ko abaye umukinnyi wa Chelsea habura amasaha make ngo isoko rifungwe gusa kuri ubu yamaze gusesekara mu Mujyi wa London.
Iyi kipe ya Chelsea yahamije ko yahawe umukinnyi wa Juventus witwa Zacharia ku ntizanyo .
Gusa Aubameyang w’imyaka 33, yongeye guhura na Thomas Tuchel bakoranye muri Borussia Dortmund ubwo yakinagayo.
Kugura Dennis Zakaria nk’intizanyo,byatumye Billy Gilmour arekurwa yerekeza muri Brighton kuri miliyoni 10 z’ama Pound.
Ikipe ya Chelsea yatandukanye na Marcos Alonso baseshe amasezerano ahita yerekeza muri FC Barcelona mu gihe yatije Ethan Ampadu muri Spezia yo mu Butaliyani.
